အားလုံးပဲမင်္ဂလာပါ

ကျွန်တော်ကတော့ မောင်အောင်ခန့်ဖြိုး ဖြစ်ပါတယ်။

ယခုမျက်မှောက်ခေတ်  လူငယ်များအတွက် နိုင်ငံခြားဘာသာစကား လေ့လာမှုအား ရည်ရွယ်ချက်ထားရှိပြီး လေ့လာပုံအား ရှင်းလင်းရေးသားဖော်ပြပေးသွားမှာဖြစ်ပါတယ်။

---

လူငယ်များအနေဖြင့် ဂျပန်စာလေ့လာနေမှုများအား ယခုအခါ  တော်တော်များများ မြင်တွေ့ ရမည်ဖြစ်ပါသည်။

မိဘများက လေ့လာစေလို၍ ဖြစ်စေ

မိမိအစီအစဉ်အတိုင်း လေ့လာချင်လို၍ဖြစ်စေ

ဂျပန်စာလေ့လာမှုသည်မည်သည့်နေရာအတွက် လေ့လာသည်၊ လေ့လာပြီးနောက် မည်သည့်နေရာတွင် အသုံးချမည် ဆိုသည့် အတွေးများ တွေးပြီး လေ့လာစေလိုပါသည်။

---

ဂျပန်ဘာသာစကားလေ့လာမှုတွင် အောက်ပါအစီအစဉ်ပုံစံအတိုင်း လေ့လာကြပါသည်။

အစီအစဉ်များ

ဂျပန်နိုင်ငံသမိုင်းနှင့် ယဉ်ကျေးမှုအား သိရှိနိုင်ရန် ဂျပန်ဘာသာလေ့လာခြင်း

ဘာသာစကားအသစ် လေ့လာလို၍ လေ့လာခြင်း

ဂျပန် animation များကြည့်ရှုလို၍ လေ့လာခြင်း

ဂျပန်လူမျိုးများဖြင့် ဆက်သွယ် စကားပြောလို၍ လေ့လာခြင်း

ဂျပန်အလုပ်အကိုင်အခွင့်အလမ်းအတွက် လေ့လာခြင်း

---

အထက်ပါထဲမှ အလုပ်အကိုင်အခွင့်အလမ်းများအတွက် လေ့လာမှုများအား အများအပြား မြင့်တွေ့ရမည်။

အစီအစဉ် ချမှတ်မှုမရှိသည့်အခါ လူငယ်များအနေဖြင့် ဂျပန်ဘာသာစကားသင်တန်းများတတ်ပြီးနောက် အသုံးချမှု မရှိပါက မေ့ပျောက်သွားကြမည် ဖြစ်ပါသည်။

---

ဂျပန်လူမျိုးများသည် အနာဂတ် အစီအစဉ် များအတွက် အခြေခံ အစီအစဉ် သုံးခုဖြင့် တည်ဆောက်ထားကြသည်။

နောင် ၃  နှစ် တွင် မိမိ ဘာဖြစ်ရမည်

နောင် ၅  နှစ် တွင် မိမိ ဘာဖြစ်ရမည်

နောင် ၇  နှစ် တွင် မိမိ ဘာဖြစ်ရမည်

ဆိုသော အစီအစဉ် သုုံးမျိုးချမှတ်ထား၍ ကြိုးစားအကောင်အထည်ဖော်ဆောင်ကြသည်ကို ကျွန်တော်လေ့လာမှတ်သားမိခဲ့ပါသည်။

---

ဂျပန်လူမျိုးများသည် အထက်ပါ အတိုင်း နောင် ၃ နှစ် ၊ နောင် ၅နှစ် တစ်ခုခုဖြစ်ရမည် တစ်ခုခုပြီးစီးရမည် ဆိုပြီး ကြိုးစားလုပ်ကိုင်ကြပါသည်။

ကျွန်တော်တို့သည်လည်း အစီအစဉ် ချမှတ်၍ ဂျပန်ဘာသာစကားလေ့လာပါက ကျွမ်းကျင်ပိုင်နိုင်စွာ တတ်မြောက်ကြမည် ဖြစ်ပါသည်။

မိမိကိုယ်မိမိ နောင် ၆လ၊ နောင် ၁နှစ် အတွင်း အစီအစဉ် ချမှတ်ပြီး ဂျပန်ဘာသာစကားအား လေ့လာနိုင်မည်လို့ ယုံကြည်မိပါသည်။

---

“အားလုံးဘဲ သာယာသောနေ့ရက်လေးဖြစ်ပါစေ။

ဖတ်ရှုပေးတဲ့အတွက် ကျေးဇူးအထူးတင်ပါတယ်ခင်ဗျ။“