Life Style

ကိုယ်ရေးကိုယ်တာ လုံခြုံမှုနှင့် လူ့ကျင့်ဝတ်များ

အားလုံးပဲ မင်္ဂလာပါ။

ကျွန်မ အိဖြိုးမွန်ပါ။ ဒီတစ်ပတ်မှာ ပြန်လည်ဝေမျှပေးဖို့ ရွေးချယ်ထားတဲ့ ခေါင်းစဉ်လေးကတော့ ကိုယ်ရေးကိုယ်တာ လုံခြုံမှုနှင့် လူ့ကျင့်ဝတ်များ ဆိုတဲ့ခေါင်းစဉ်လေးပဲ ဖြစ်ပါတယ်။ ပထမပိုင်းအနေဖြင့်

တစ်ဦးတစ်ယောက်ချင်းစီရဲ့ Privacy ဘာကြောင့် အရေးကြီးတာလဲ ?

ကိုယ်ရေးကိုယ်တာ လျှို့ဝှက်ချက် ဆိုသည်မှာ ကျွန်မတို့၏ဘဝ တစ်စိတ်တစ်ပိုင်းနှင့် နေ့စဉ် လုပ်ဆောင်မှုများအပြင် သတင်းအချက်အလက်များကို တစ်စုံတစ်ယောက်က ရယူနိုင်မှုအခြေအနေမှ ထိန်းချုပ်နိုင်သည့်စွမ်းရည် တစ်မျိုးပဲဖြစ်ပါတယ်။ ထို့အပြင် ကျွန်မတို့ အနေဖြင့် လူသိရှင်ကြား မျှဝေခြင်းမပြုလိုသော သတင်းအချက်အလက်များကိုလည်း ကာကွယ်ပေးထားခြင်းပဲ ဖြစ်တယ်။ ကိုယ်ရေးကိုယ်တာ လျှို့ဝှက်ချက်တွင် တစ်ဦးချင်းစီ၏  စီးပွားရေးလုပ်ငန်းများအပြင် ကျွန်မတို့ မှီခိုနေသောအရာ သို့မဟုတ် ကျွန်မတို့ ထပ်ပို၍ အစွမ်းထက်သောအရာများမှလည်း ကာကွယ်ပေးထားသည်။ ထို့ကြောင့် ကျွန်မတို့သည် မိမိတို့၏ Privacy ကို အလေးထားသလို အခြားသူ၏  ကိုယ်ရေးကိုယ်တာ လျှို့ဝှက်ချက်များကိုပါ ဂရုစိုက်သင့်ပါတယ်။ ထို့သိုဂရုစိုက်ခြင်းကြောင့် ကျွန်မတို့ လူမှုပတ်ဝန်းကျင်တွင် မလိုလားအပ်သော ပြဿနာများကိုလည်း လျှော့ချနိုင်ပါတယ်။ ကျွန်မတို့ တစ်ဦးတစ်ယောက်ချင်းစီတွင်လည်း လေးစားလိုက်နာသင့်သော အနိမ့်ဆုံး အခြေခံလျှို့ဝှက်ထားသင့်တဲ့ အချက်များလည်း ရှိပါတယ်။ ထိုအချက်တစ်ချို့မှာတော့

(က) သင့်ရဲ့ ကိုယ်ရေးကိုယ်တာနှင့်ဆိုင်သောအရာများ

(ခ) သင့်ရဲ့ ဝင်ငွေနှင့်

(ဂ) သင့်ရဲ့ အနာဂတ်လှုပ်ရှားမှုများပဲ ဖြစ်ပါတယ်။

Privacy ဟု ဆိုရာတွင် မည်သို့သော ပတ်သက်ဆက်နွယ်မှုမျိုးမှာမဆို လိုအပ်သည်ဟု ယူဆပါတယ်။ မိမိတို့၏ မိသားစုဖြစ်စေ၊ အသိမိတ်ဆွေ သူငယ်ချင်းဖြစ်စေ၊ မိမိတို့နှင့် သက်ဆိုင်သောသူဖြစ်စေ တစ်ဦးတစ်ယောက်ချင်းစီရဲ့ ထားရှိသင့်တဲ့ Privacy ကိုတော့ အလေးထား သိနေဖို့လိုအပ်ပါတယ်။ ဥပမာ မိသားစုရှိ ညီကို၊ မောင်နှစ်မ ဖြစ်နေလို့ ကိုယ်ရေးကိုယ်တာကိစ္စများကို လိုအပ်တာထက် ပိုပြီး ဝင်ရောက်စွက်ဖက်ခြင်း မပြုသင့်ပါဘူး။ အသိမိတ်ဆွေက မိမိအား တိုင်ပင်ထားသော ကိစ္စရပ်များ၊ ကိုယ်ရေးကိုယ်တာများဆို ပိုဂရုစိုက်သင့်ပါတယ်။ မိမိသည် သူ၏ ယုံကြည်မှု ရထားသူ ဖြစ်နေတာကြောင့်ပါ။ Relationship တစ်ခုတွင် အချင်းချင်း Facebook Password များအသိပေးထားခြင်း၊ တစ်ခါတစ်ရံ ပိုပြီး အသိပေးခြင်းများ ရှိနေနိုင်ပါတယ်။ ထိုအချက်တွင် ကောင်းသောအချက်များလည်း ရှိနေနိုင်သလို အခြားမျှော်လင့်မထားသော အရာများအတွက်လည်း ကြိုတင်စဉ်းစားထားရပါမယ်။ ကျွန်မကတော့ ဘယ်သူဖြစ်နေလို့ ကိုယ်ရေးကိုယ်တာအကုန်သိထားသင့်တယ် ဘယ်သူမို့လို့ ပြောပြရမယ်ဆိုတာမျိုးကို လုံးဝသဘောမကျပါဘူး။ ကျွန်မ သီးသန့်ဆန်ပြီး လျှို့ဝှက်စွာနေထိုင်ရတာမျိုးကို ပိုနှစ်ခြိုက်ပါတယ်။ လျှို့ဝှက်စွာ နေထိုင်သည်ဟုဆိုရာတွင် မရိုးမသားပြုမူနေထိုင်ခြင်းကို မဆိုလိုပါ။

ဒုတိယတစ်ခုကတော့ လူ့ကျင့်ဝတ်ပါ။ ဒီနေရာမှာ ကျွန်မကိုယ်တိုင် သတိထား လိုက်နာဖြစ်ပြီး သိရှိနားလည်ထားတဲ့ လူ့ကျင့်ဝတ် အနည်းငယ်ကို ပြန်လည်ဝေမျှပါမယ်။ ဒါတွေကတော့

(၁) အခြားတစ်ယောက်က သူ၏ဖုန်းထဲရှိ ဓာတ်ပုံတစ်ပုံကို   မိမိအားပြတယ်ဆိုပါစို့။ ထိုအချိန်တွင် ကျွန်မတို့သည် သူပြသော ပုံမှလွဲပြီး  နောက်ထပ် အပေါ်၊ အောက် ဆွဲကြည့်ရန် မလိုအပ်ပါ။

(၂) ဈေးဝယ်သောနေရာတွင် မိမိတို့၏ ဈေးဝယ်ခြင်း၊ shopping cart များကို လူသွားလမ်းလယ်တွင် မထားသင့်ပါ။ များသောအားဖြင့် City Mart လိုမျိုး ဈေးဝယ်စင်တာ အများစုတွင် တွေ့မြင်ရတတ်ပါတယ်။

(၃) အခြားသူ၏ ကားကို မိမိအနေဖြင့် ငှားပြီး အသုံးပြုခဲ့လျှင် ဆီအပြည့် ပြန်ဖြည့်ပေးသင့်ပါတယ် ။

(၄) မိမိမြင်တွေ့ခဲ့သောအချိန်ထက် ပိုမိုကောင်းမွန်သော အခြေအနေဖြင့်သာ ထားရှိသင့်ပါတယ်။ (ဥပမာ Office Toilet, Public area)

(၅) မိမိအသုံးပြု၍ Toilet paper ကုန်သွားခဲ့ပါက ပြန်လည်ဖြည့်ထားရန် လိုအပ်ပါတယ်။

(၆) မိမိအနေဖြင့် တွေ့ဆုံရန်ချိန်းဆိုထားသော ကတိကဝတ်များကို မိမိဖက်မှ စတင်ပျက်ကွက်ခဲ့လျှင် ထိုအတွက် တာဝန်ယူမှုရှိပြီး ပြန်လည်အချိန်ပေးသင့်ပါတယ်။

(၇) မိမိက အခြားသူဆီက ပစ္စည်းတစ်ခုအား တတိယအကြိမ်ထိ ငှားယူသုံးစွဲနေမိပြီဆိုလျှင် ထိုအရာသည် မိမိအတွက် မရှိမဖြစ်လိုအပ်နေတဲ့အရာပဲ ဖြစ်ပါတယ်။

(၈) ကျွန်မတို့သည် အများပြည်သူ အပန်းဖြေသည့်နေရာ၊ YBS ဘတ်စ်ကားပေါ်နှင့် အများပြည်သူနှင့်ဆိုင်သော နေရာများတွင် နားကြပ်အသုံးပြုခြင်း မရှိပဲ သီချင်းကျယ်လောင်စွာဖွင့်ထားခြင်း၊ ဖုန်းကျယ်လောင်စွာပြောဆိုနေခြင်းများကို ရှောင်ကြဉ်ရပါမယ်။

(၉) ကျွန်မတို့ အားလုံးသည် မည်သူ့အပေါ်မှာမဆို လေးလေးစားစား ဆက်ဆံတတ်ရပါမယ်။ ထို့အပြင် ဝန်ဆောင်မှုဆောင်ရွက်နေတဲ့သူများကိုလည်း ကောင်းမွန်စွာ ပြောဆိုတတ်ရပါမယ်။ ဘာလို့လဲဆိုတော့ ကျွန်မတို့ အားလုံးဟာ လူထဲကလူ ဖြစ်နေလို့ပါပဲရှင့်။

(၁၀) ထို့အပြင် မိမိကြောင့် သူတစ်ပါးအနှောင့်အယှက်ဖြစ်စေမည့် အရာများ မပြုလုပ်ခြင်းဖြင့် ဂုဏ်ယူရပါမယ်။

(၁၁) သွားလာရင်းပဲဖြစ်ဖြစ် အများပြည်သူရှိတဲ့နေရာတွေမှာ တစ်ခြားသူတစ်ယောက်ကြောင့်  စိတ်အနှောင့်အယှက်ဖြစ်ခဲ့ရင် ထိုအဆင်မပြေမှုများကို တစ်နေ့တာမှာ သယ်ဆောင်သွားဖို့ မသင့်တော်ပါဘူးရှင့်။

တစ်ချို့အကြောင်းအရာတွေကိုတော့ စာအရမ်းရှည်သွားမှာ ဖြစ်တာကြောင့် ဒီလောက်နဲ့ပဲရပ်ပါမယ်။

စာဖတ်သူများအနေဖြင့် သိရှိထားသော လူ့ကျင့်ဝတ်များ ရှိပါက comment တွင် ဝင်ရောက်ရေးသားပေးဖို့ တောင်းဆိုလိုက်ပါရစေရှင့်။ ကျေးဇူးအများကြီးတင်ပါတယ်။

ကျန်းမာရေးလည်းဂရုစိုက်ကြပါ။ ပိုမိုထူးချွန်သော လူတော်လူကောင်းများအနေဖြင့် ပြန်ဆုံတွေ့ကြပါဦးမယ်။

 

 

 

 

Hello

Leave a Reply

Your email address will not be published. Required fields are marked *