မင်္ဂလာပါ။

ဒီအပတ်မှာ Spiceworks Myanmar Company ၏ Internal Group တစ်ခုဖြစ်တဲ့ Education Group ရဲ့ ရုံးအတွင်း ဦီးစီးဆောင်ရွက်ရသော လုပ်ငန်းဆောင်တာများကို ဘလော့ဂ်အသွင်ပြောင်းလဲပြီး ဖော်ပြသွားမှာဖြစ်ပါတယ်။

Presentation Program
အပတ်စဉ် တနင်္လာနေ့တွင် Member တစ်ဦးချင်းစီရဲ့ Presentation ကိုလုပ်ဆောင်ပါတယ်။ Presentation လုပ်ဆောင်ရသည့် ရည်ရွယ်ချက်မှာ မိမိတို့ member အနေနဲ့ presentation, sharing, problem solving နဲ့ individual soft skills များ တိုးတက်လာ‌ရေးအတွက် ရည်ရွယ်ပါတယ်။ မိမိသိထားတဲ့ အချက်အလက်များကို ရုံးမှ member များအားလုံးအတွက် ဝေမျှပေးရပါတယ်။ မိမိအနေနဲ့လည်း ဗဟုသုတများစွာကို တစ်ခြားသော memberများ၏ presentation မှ သိရှိခွင့်ရခဲ့ပါတယ်။ များသောအားဖြင့် presentation ပြုလုပ်ရာတွင် new technology များ၊ motivational and personal improvement များ ပြောလေ့ရှိပါတယ်။ အပတ်စဉ် ဗဟုသုတအသစ်များ၊ စိတ်ဓာတ်ခွန်အားပေးသော စကားများကို မှတ်သားခွင့်ရရှိပါတယ်။ ဤသည်မှာ Spiceworks Myanmar Company ၏ကောင်းမွန်သော educational program များထဲကတစ်ခုလည်းဖြစ်ပါတယ်။

Blogging Program
စာရေးခြင်းသည် ကမ္ဘာကြီးကို ပြောင်းလဲဖို့အတွက် အထိရောက်ဆုံးလက်နက်တစ်ခုပါ။ ဒီဆောင်ပုဒ်လေးအတိုင်းပဲ ကျွန်တော်တို့ ကျင်လည်နေတဲ့  ပတ်ဝန်းကျင်အတွက် တစ်ဖက်တစ်လမ်းမှ အကျိုးပြုနိုင်ရန် Blogging Program ကိုလုပ်ဆောင်ပါတယ်။ လုပ်ဆောင်ပုံက ရိုးရှင်းပါတယ်။ Presentation တွင် sharing လုပ်ခဲ့သော ခေါင်းစဉ်နဲ့ အကြောင်းအရာကို စာသားအဖြစ်ပြောင်းလဲပေးခြင်းပဲဖြစ်ပါတယ်။ ရရှိလာတဲ့ Blog ကိုတော့ အပတ်စဉ် သောကြာနေ့တိုင်း Spiceworks Myanmar Website နဲ့ Facebook Page တို့မှာ မျှဝေပေးပါတယ်။ လက်ရှိအချိန်အထိ Spiceworks Myanmar Website တွင် Blog ပေါင်း 107 ခုကို တင်ထားခဲ့ပြီးဖြစ်ပါတယ်။

ဒီ လင့်ခ် လေးကနေ ဝင်ကြည့်နိုင်ပါတယ်။
ဒါ့‌ကြောင့် Blogging သည် ကျွန်တော်တို့ အတွက် လူအများကို အကျိုးပြုနိုင်ဖို့ ဆက်သွယ်မှုတစ်ခုဖြစ်လာပါတယ်။

Japanese Learning Program

ဂျပန်စာနဲ့ပတ်သက်ပြီးတော့လည်း  Learning Program တစ်ခုအနေနဲ့ လုပ်ဆောင်ပေးပါတယ်။ Spiceworks Myanmar က ဂျပန်ကုမ္ပဏီဖြစ်တဲ့အတွက် ဂျပန်လူမျိုးများဖြင့် တွဲဖက်လုပ်ဆောင်ရပါတယ်။ မိမိက အလုပ်မဝင်ခင်ထဲက ဂျပန်စာတတ်မြောက်မယ်ဆိုရင်လည်း အဆင်ပြေသလို တစ်ခါမှ မသင်ကြားဖူးသောဝန်ထမ်းများအတွက်လည်း စိုးရိမ်စရာမလိုပဲ သင်ကြားနိုင်ရေး ပြင်ဆင်မှုအပိုင်းများရှိပါတယ်။ မိမိအနေဖြင့် လေ့လာသင်ယူထားခြင်းမရှိပါက ဂျပန်စာ N5 အဆင့်ကို Win Japanese Language Center နှင့် Momiji Japanese Language Center တို့တွင် စနေ၊ တနင်္ဂနွေပိတ်ရက်နှင့် မိမိအားလပ်သောအချိန်များတွင် အခမဲ့ ထားပေးပါတယ်။ မိမိက N4~N1ကို သင်တန်းတက်နေဆဲ (သို့) စတက်တော့မယ်ဆို ပထမဆုံးမိမိမှ သင်တန်းစရိတ်စိုက်ထုတ်၍ သင်ကြားရပြီး သတ်မှတ်ထားသော စာမေးပွဲရမှတ်ကိုရသောအခါ သင်တန်းကြေးကို ပြန်လည်ထုတ်ပေးပါမည်။ ထို့အပြင် မိမိက ဂျပန်စာကို JLPT (Japanese Language Proficiency Test) အောင်မြင်ထားပါကလည်း လစာအပြင် တစ်ခြားသောခံစားခွင့်အပိုကို ရရှိနိုင်ပါတယ်။ လစဉ်ခံစားခွင့်ဘောနပ်စ်များမှာ အောက်ပါအတိုင်းဖြစ်ပါတယ်။
(၁) N5 အောင်မြင်ထားသောသူများအတွက် ၁၀,၀၀၀ ကျပ်
(၂) N4 အောင်မြင်ထားသောသူများအတွက် ၃၀,၀၀၀ ကျပ်
(၃) N3 အောင်မြင်ထားသောသူများအတွက် ၁၀၀,၀၀၀ ကျပ်
(၄) N2 အောင်မြင်ထားသောသူများအတွက် ၃၀၀,၀၀၀ ကျပ်
(၅) N1 အောင်မြင်ထားသောသူများအတွက် ၅၀၀,၀၀၀ ကျပ်

သင်တန်းတွင် ဂျပန်ဘာသာကို လေ့လာနိုင်ရုံသာမက ရုံးတွင်းပိုင်းတွင်လည်း အဖွဲ့များဖွဲ့ပြီး အပတ်စဉ် ဗုဒ္ဓဟူးနေ့တိုင်း ၁နာရီ အချိန်ပေး၍ လေ့လာသောအချိန်လေးလည်း ရှိပါတယ်။ ကုမ္ပဏီတွင် Internal Group (ရုံးတွင်းအဖွဲ့အစည်း) များကို ၆လတစ်ကြိမ် ပြောင်းလဲပါတယ်။ ထိုပြောင်းလဲသောအချိန်တွင် အဖွဲ့များ၏ အစီအစဉ်များသည်လည်း ပြန်လည်ပြောင်းလဲပါသည်။ အခုလက်ရှိ Education Group ၏ Japanease Learning Program အတွက် စီမံထားသော အစီအစဉ်ပုံစံ (၂) မျိုးကို မျှဝေပေးချင်ပါတယ်။ ပထမတစ်ခု အကြောင်းအရာလေးကို မပြောပြခင် ရည်ရွယ်ချက်လေးကိုတော့ ရှေးဦးစွာ ပြောပြပေးချင်ပါတယ်။ အဓိကပန်းတိုင်လေးကတော့ စာအရေးအသား (Writing) နှင့် စီးပွားရေးသုံးစကားလုံးများ (Business Terms) ကို တိုးတက်လာအောင် ရည်ညွှန်းပါတယ်။ ကုမ္ပဏီရဲ့ Head Office ဖြစ်တဲ့ Spiceworks (Japan) က ဝန်ထမ်းများဖြင့် စာပို့စာယူလုပ်ဆောင်ရသောအချိန်တွေရှိပါတယ်။ ထိုအချိန်တွင် မိမိတို့က လျင်မြန်စွာ အပေးအယူလုပ်နိုင်ရန်အတွက် ဖြစ်ပါတယ်။ လေ့လာသင်ယူပုံကတော့ မိမိတို့အဖွဲ့လိုက် တစ်ဖွဲ့ချင်းစီကို ရှင်းပြပေးချင်သော ဂျပန်စာကြောင်းလေးတွေကို တစ်ခြားသူ လွယ်ကူစွာ နားလည်နိုင်ရန် ပြန်လည်ရှင်းပြပေးကြပါတယ်။ ပြီးလျှင် အလှည့်ကျ ၁၀မိနစ် ရိုးရာယဉ်ကျေးမှုများ၊ သီချင်းတေးဂီတများ၊ ဗီဒီယို (သို့) ဗဟုသုတအကြောင်းအရာလေးတွေကို ဂျပန်ဘာသာဖြင့် မျှဝေပေးကြပါတယ်။ ထိုသို့ပြုလုပ်ခြင်းကြောင့် မိမိတို့မသိသေးသော အကြောင်းအရာ ဗဟုသုတများကိုလည်း သိခွင့်ရလာသည့်အပြင် ဂျပန်အသုံးအနှုန်း၊ စကားလုံးလေးတွေကိုပါ တိုးပွားလာမည် ဖြစ်ပါတယ်။
ဒုတိယအပိုင်းအနေနဲ့ကတော့ ဝန်ထမ်းများ နားထောင်မှုစွမ်းရည် (Listening Skill) နှင့် အပြောအဆိုစွမ်းရည် (Speaking Skill) တိုးတက်အောင်အတွက် လုပ်ဆောင်သောအပိုင်း ဖြစ်ပါတယ်။ ထိုအချိန်တွင် Native Speaker များနှင့် ခေါင်းစဉ်အလိုက် အပြန်အလှန် ပြောဆိုကြရပါတယ်။ ထိုအခါ ဂျပန်လူမျိုးများ၏ လေယူလေသိမ်းအနေအထားများ၊ ဗန်းစကားများကို လေလာ့ခွင့်ရရှိပါမည်။ နောက်တစ်ခု အကျိုးကျေးဇူးအနေနဲ့ကတော့ ဂျပန်လူမျိုးများနဲ့ ပြောပါများလာသောအခါ မိမိတို့၏ ဂျပန်ဘာသာစကားများ ပိုမိုတိုးတက်လာပါမည်။

Library

Library Program အတွက်  Internal Group များဖြစ်သော HR, Maintenance, Education, Marketing Group အလိုက် စီစဉ်ထားရှိသော  အောင်မြင်ကျော်ကြားသူတို့၏ အတ္ထုပတ္တိများ၊ ကျန်းမာရေး၊ သုတ ရသစာပေများ၊ တိုးတက်ရေးနည်းပညာစာအုပ်များ ထားရှိပေးပြီး member များအနေဖြင့် မိမိဖတ်လိုသော စာအုပ်များကို SPWM Library Chatwork တွင် report တင်၍ နေ့စဉ်၊ အပတ်စဉ် ငှားယူနိုင်ခြင်းပဲ ဖြစ်ပါတယ်။ ထိုသို့ငှားယူသူများမှ ရရှိလာသော အမှတ်များကို စုပေါင်းပြီး (၆) လတစ်ကြိမ် ကျင်းပသော General Assembly တွင် တစ်ဦးတစ်ယောက်ချင်းစီက ဖတ်ယူမှုအများဆုံးဖြစ်သော စာအုပ်ကို ရွေးချယ်၍ အနိုင်ရရှိသော သက်ဆိုင်ရာ Group ထံသို့ဆုချီးမြှင့်ပါတယ်။

 

Seminar

Programming  နည်းပညာဆိုင်ရာ ဟောပြောပွဲများ၊  Website Design နည်းပညာများ၊ ဘဝအောင်မြင်ရေးနှင့်ဆိုင်သော ဗဟုသုတများ၊ HR Management, Accounting နှင့်ပတ်သက်သော ပညာရပ်များကို ပြန်လည် ဝေမျှပေးသော Seminar များအား Education Group မှ စုံစမ်းပေးပြီးသည်နှင့် member များအား ပြန်လည်ဝေမျှပေးရပြီး တက်ရောက်ချင်သော member များအတွက် Seminar fee, Transportation fees များအား ကုမ္ပဏီမှ စိုက်ထုတ်ပေးပြီး တက်ရောက်စေသော program တစ်ခု ဖြစ်ပါတယ်။ မိမိတက်ရောက်ခဲ့သော Seminar များကို အပတ်စဉ်ပြုလုပ်နေကျ  တနင်္လာနေ့ အစည်းအဝေးတွင် ပြန်လည်ဝေမျှပေးရပါတယ်။

Tech Sharing Program

Education Group မှ Technical နဲ့ ပတ်သက်ပြီးလည်း member များအား Newest Technologies များနဲ့လည်း ဆွေးနွေးဖြစ်အောင် စီစဉ်ပေးခြင်းများလည်း ပြုလုပ်ပေးပါတယ်။ ယခု နောက်ပိုင်း Modern ဖြစ်လာသော Technology တစ်ခု ဖြစ်တဲ့ Flutter အကြောင်းနဲ့ member များ အချင်းချင်း Knowledge Sharing လုပ်ခြင်း၊ Demo App များ ရေးခြင်း၊ Online Tutorial များကို Member များအား အချင်းချင်း လေ့လာ ဖလှယ်ခြင်းများ ပြုလုပ်ခဲ့ကြပါတယ်။  ရုံးတွင်း communication channel အဖြစ် Chatwork ကို ဝန်ထမ်းအချင်းချင်း ဆက်သွယ်ရာတွင် အသုံးပြုကြပါတယ်။ အဲ့အတွက် ၎င်း Chatwork မှာလည်း အချင်းချင်း နည်းပညာ အကြောင်းအရာများ ဖလှယ်နိုင်ရန်အတွက် TechBank အမည်ဖြင့် Group Chat ဖွဲ့ထားပြီး မျှဝေကြပါတယ်။

 

Spiceworks Myanmar ရဲ့ Education Programs များကို ဒီထက်မက ပိုမိုကောင်းမွန်အောင် ကြိုးစားနေပါတယ်။
အခုလို အချိန်ပေးဖတ်ရှုပေးတဲ့အတွက် ကျေးဇူးတင်ပါတယ်။
နောက်အပတ်များမှာလဲ အပတ်စဉ် Blog များကို စောင့်ကြည့်အားပေးကြပါဦီး။