မင်္ဂလာပါခင်ဗျာ။
ကျွန်တော်ကတော့ Spiceworks Myanmar ကုမ္ပဏီ တွင် Web Designer အဖြစ် ဝင်ရောက် လုပ်ကိုင်လျက်ရှိသော ကျော်စိုးနိုင် ဖြစ်ပါတယ်။ ယခုတပတ်မှာတော့ Spiceworks Myanmar ကုမ္ပဏီတွင် (၁)နှစ်အတွင်း ကြုံတွေ့ခဲ့ရသော လုပ်ငန်းခွင်အတွေ့အကြုံများနှင့် လေ့လာသင်ယူခဲ့ရသောအရာများကို မျှဝေပေးချင်ပါတယ်ခင်ဗျ။
ပထမဦးဆုံးအနေနဲ့ ကျွန်တော်မျှဝေပေးချင်တာကတော့ Coding ပိုင်းနဲ့ ပတ်သက်ပြီး ကျွန်တော်အလုပ်မဝင်ခင်အချိန်မှာ Web Page တွေကို ဖန်တီးရာတွင် Framework ဖြစ်တဲ့ Bootstrap နဲ့ပဲရေးခဲ့ပြီး HTML, CSS, JS Code နဲ့ module တွေရဲ့ လုပ်ဆောင်ချက်များကို format ကျကျ၊ standard ကျကျ မသိခဲ့ပါဘူး။
ယခုအလုပ်အတွေ့အကြုံ (၁)နှစ်ပြည့်ပြီးချိန်တွင် HTML, CSS စတဲ့ pure code တွေသုံးပြီး Web Page Creation လုပ်ပုံကို အသေးစိတ် အတွင်းကျကျ သိခဲ့ရပြီး အရင်ကထက် ကိုယ့်ကိုယ်ကို ယုံကြည်မှု ပိုမိုတိုးပွားလာပါတယ်။
ကုမ္ပဏီတွင်လုပ်ငန်းခွင်အတွင်း (၁)နှစ်ကြာ လေ့လာသင်ယူခဲ့သော အရာများအနေဖြင့်
(က) Web Design ပိုင်းတွင် Photoshop, Adobe Illustrator, Adobe Xd အသုံးပြုပုံများ။
(ခ) WIT Post, Spiceworks Myanmar Post များနှင့် ပတ်သက်ပြီး Design ဆွဲခြင်း၊ Content များရေးခြင်း။
(ဂ) Video Editing တွင် After Effect အသုံးပြုပုံနှင့် ပတ်သက်သည့် ပညာရပ်များကို လေ့လာခွင့်ရခြင်း။
(ဃ) Marketing ပိုင်းနှင့် ပတ်သက်ပြီး Client များအား Mail ပို့ခြင်းနည်းလမ်းများ။
(င) ဂျပန်လူမျိုးများ၏ ယဉ်ကျေးမှုများ၊ ရုံးတွင်းသုံး စကားလုံးများ၊ စကားပြောများ၊ ရုံးတွင်းစည်းကမ်းများနှင့် နည်းပညာများကို လေ့လာခွင့် ရရှိခဲ့ပြီး
ယခုအချိန်တွင်
(က) မိမိကိုယ်ကို ယုံကြည်မှုရှိလာပြီး Team Work ကောင်းကောင်းဖြင့် အလုပ်လုပ်တတ်လာခြင်း။
(ခ) အလုပ်လုပ်ရာတွင် Task Management, Time Management များဖြင့် သေသေချာချာလုပ်ကိုင်တတ်လာခြင်း။
(ဂ) Work From Home ကာလအတွင်းမှာလည်း နေ့စဉ်လုပ်ရမည့် အလုပ်များနှင့် မိမိတာဝန်ယူရသည့် Project များအား Self Concentration ကောင်းကောင်းဖြင့်အလုပ်လုပ်လာနိုင်ခြင်း။
(ဃ) နည်းပညာပိုင်းနှင့်ပတ်သက်ပြီး Self Study လုပ်တတ်လာခြင်း။
(င) ရုံးအတွင်း Vlog များ ရိုက်ကူးပြီး Video Editing များကို အသုံးပြုလာနိုင်ပြီး
မိမိကိုယ်ကို Confidence လည်း ရှိလာခဲ့ပါတယ် ခင်ဗျ။
ကျွန်တော့်အတွက် ပထမဆုံး အလုပ်စဝင်ဝင်ခြင်းမှာ စိုးရိမ်ပူပန်မှုတွေရှိခဲ့ပေ့မယ်လည်း senior အကို၊ အမတွေရဲ့ သင်ကြားလမ်းညွှန်မှုဖြင့် လုပ်ငန်းနှင့်ပတ်သက်သော သဘောတရားများကိုလည်းသေချာ လေ့လာခွင့်ရခဲ့ပါတယ်ခင်ဗျ။
လုပ်ငန်းခွင် တစ်နှစ်အတွင်းတွင် ကျွန်တော်ရဲ့ Performance Skill ကောင်းမွန်လာအောင် အောက်ပါနည်းလမ်းများကို လိုက်နာကျင့်သုံးခဲ့ပါတယ်ခင်ဗျ။
(၁) Time Management
လူတစ်ယောက်အတွက် အချိန်ကအရမ်းတန်ဖိုးရှိသလို တန်ဖိုးကို သိပြီး အချိန်ကို Management လုပ်နိုင်မှလဲ မိမိ မျှော်မှန်းထားသော ပန်းတိုင်ကို ဧကန်မလွဲရောက်ရှိမှာပါ ခင်ဗျ။ ကျွန်တော်အနေဖြင့် လုပ်ငန်းခွင်အတွင်း လုပ်စရာအလုပ်များအား Management လုပ်နိုင်ရန်အတွက် Time Management နဲ့ ပတ်သက်ပြီး လေ့လာသင်ယူမှုတွေ လုပ်ခဲ့ပါတယ်ခင်ဗျ။ Time Management လုပ်ရာတွင် schedule ဆွဲပြီး လိုက်မလုပ်နိုင်ရင်မိမိမျှော်မှန်းထားသော ပန်းတိုင်နှင့် ဝေးသွားနိုင်ပါတယ်ခင်ဗျ။ ဒါကြောင့်တကယ်လုပ်မယ်လို့ ဆုံးဖြတ်ချက်ချပြီးရင်အကောင်းဆုံးဖြစ်အောင်ကြိုးစားဖို့ အကြံပြုချင်ပါတယ်ခင်ဗျ။
(၂) Task Management
မိမိဘဝ တိုးတက်ဖို့အတွက်ဆိုရင် မိမိလုပ်နေသော Task များကိုလည်း Management လုပ်ဖို့အတွက်လည်း လိုအပ်ပါတယ်။ Task Management လုပ်နိုင်မှသာလျှင် မိမိလုပ်ငန်များကို စနစ်တကျ ပြီးစီးအောင်မြင်အောင် လုပ်နိုင်မှာဖြစ်ပါသည်။ မိမိပြုလုပ်ရသော Task များကို Thing to Do, Processing, Complete စသည့် သတ်မှတ်ချက်များဖြင့် လည်းကောင်း၊ Color အရောင်များကို အသုံးပြုခြင်းဖြင့်လည်ကောင်း စနစ်တကျ Management လုပ်ရန်လိုအပ်ပါတယ်ခင်ဗျ။
မိမိရဲ့Task များကို Management လုပ်တော့မယ်ဆိုရင် အောက်ပါဇယားလေးကိုအသုံးပြုပြီး ခွဲခြားသတ်မှတ်နိုင်ပါတယ်ခင်ဗျ။
1. Urgent and Important
Urgent and important ဆိုတာကိုယ့်ဘဝအတွက် အလျင်လည်းလိုတယ်။ important ဆိုပြီး အရေးလည်း ကြီးပါတယ်ခင်ဗျ။ ဥပမာ လူတစ်ယောက်အတွက် စားဝတ်နေရေးကိုတွေးကြည့်ကြပါစို့။ အလုပ်မရှိဘဲနဲ့ စားဝတ်နေရေး အဆင်မပြေနိုင်ပါဘူး။ အဲဒါကြောင့် အလုပ်ဆိုတာ ကိုယ်အသက်ရှင်ဖို့အတွက် လိုအပ်ပါတယ်။ လူတစ်ယောက်ဘဝရပ်တည်နိုင်ဖို့အတွက် အလျင်လဲလိုသလို အရေးလဲပါတယ် လို့ဆိုလိုပါတယ်ခင်ဗျ။
2. Important but not Urgent
Important but not Urgent ဆိုတာဘဝအတွက် အရေးကြီးပါတယ်။ ဒါပေမယ့် အလျင်လိုလားဆိုတော့ အလျင်တော့မလိုသေးဘူးလို့ဆိုလိုပါသည်။ ဥပမာ အလုပ်လုပ်တဲ့နေရာမှာ ဂျပန်ဘာသာပြောနိုင်မှ အလုပ်အတွက် ရေရှည်အဆင်ပြေမယ်ဆိုရင် ဂျပန်စာလေ့လာဖို့လိုအပ်ပါတယ်။ ဒါပေမယ့် ဘာသာစကားလေ့လာမယ်ဆိုရင် အခုကျက် အခုလေ့လာလို့ ချက်ချင်းအဆင်မပြေနိုင်ပါဘူး။ ပုံမှန်အချိန်လေးပေးပြီး လေ့လာသွားမယ်ဆိုရင်တော့ ဂျပန်စာတတ်မြောက်လာမည်ဖြစ်ပြီး မိမိဘဝအတွက် အရေးပါလာမယ်လို့်ဆိုလိုပါသည်။
3. Urgent but not Important
အလျင်လိုပြီး အရေးမကြီးသေးဘူးလို့ ဆိုလိုပါသည်။ အရေးတကြီးလုပ်ဆောင်ရန် မလိုအပ်ပေမယ့် တစ်စုံတစ်ယောက်က အလျင်တလိုနဲ့ ကြားဖြတ်တောင်းဆိုလာသော Task မျိုးကို ဆိုလိုခြင်းဖြစ်ပါတယ်။ အခုလို Task မျိုးကိုလည်း စီမံခန့်ခွဲနိုင်ဖို့လိုအပ်ပါသည်။
4. Not Urgent and Not Important
အလျင်လဲမလို ဘဝအတွက် အရေးလည်းမပါသော အရာများကို လုပ်ပြီး Target မရှိသောသူကို ဆိုလိုပါသည်။ ဥပမာ လူတစ်ယောက်က နေ့စဉ် အလုပ်မလုပ်၊ လေ့လာမှုမရှိ၊ Facebook သုံး၊ Game ဆော့နေသောသူကို ရည်ညွှန်းပါတယ်။ အလုပ်လုပ်နေသော်လည်း မိမိဘဝအတွက် လေ့လာမှုတွေ၊ သင်ယူမှုတွေမရှိဘဲ Target ပျောက်နေသောသူကို ဆိုလိုပါသည်။
ဒါကြောင့်မိမိသည် ဘယ် အရာတွေ လုပ်နေလဲဆိုတာသိပြီး မိမိဖြစ်ချင်သောအရာ၊ မိမိလုပ်ချင်သောအရာများကို Target ထားလုပ်နိုင်မည်ဆိုပါက မိမိရဲ့ ရည်မှန်းချက်ပန်းတိုင်ကို ရောက်ရှိလာမည်ဖြစ်ပါသည်။
ကျွန်တော်အနေဖြင့် နေ့စဉ် Task များကိုTrello Board ကို အသုံးပြုပြီး Management လုပ်ပါတယ်ခင်ဗျ။Trello Board ကို အောက်ပါ link ကနေတစ်ဆင့် Account မှတ်ပုံတင်ပြီး အသုံးပြုနိုင်ပါတယ်ခင်ဗျ။
(၃) Team Work
အလုပ်တစ်ခုစတင်လုပ်ဆောင်လျှင် Team Work ကောင်းမှ လုပ်ငန်းတစ်ခု အောင်မြင်ပြီးမြှောက်နိုင်မှာဖြစ်ပါတယ်။ Team Work တစ်ခု ကောင်းဖို့ဆိုရင် Team ထဲမှာရှိသော Member များနှင့် ကောင်းမွန်သော Relationship ရှိရမည်ဖြစ်ပါတယ်ခင်ဗျာ။ ကျွန်တော်တို့ ကုမ္ပဏီတွင် Marketing Group, HR Group, Maintenance Group နှင့် Education Group ဆိုပြီ (၄)မျိုးရှိပြီး အဖွဲ့ဝင်တိုင်းဟာ ကိုယ့် Group ကိုယ်စီနဲ့ အလုပ်လုပ်ကြရပြီး ခြောက်လ တစ်ကြိမ် အလှည့်ကျ Group Leader တာဝန်ကို ထမ်းဆောင်ရပါတယ်။ Leader တစ်ယောက်ဖြစ်ဖို့ရန် မလွယ်ကူလှပါဘူး။ရှေ့က အစ်ကို၊အစ်မတွေ ဘယ်လို Leading လုပ်သွားလဲဆိုတာ သေချာမှတ်သားပြီး ကိုယ့်အလှည့်ရောက်ရင် ဘယ်လို Team Work ကောင်းကောင်းဖြင့် Leading လုပ်ရမလဲ ဆိုတာတွေကအစ ကြိုတင်ပြင်ဆင်မှုတွေ လုပ်ပြီး ဦးဆောင်ကြပါတယ်ခင်ဗျ။
ထို့အပြင် (၃)လတစ်ကြိမ် ပုံမှန်ပြုလုပ်ဖြစ်တဲ့ Charity Activity လည်း ရှိပါတယ်။ ဘိုးဘွားရိပ်သာများ၊ မျက်မမြင်ကျောင်းများ၊ မိဘမဲ့ကျောင်းများ စသည့် အမှန်တကယ်လိုအပ်နေသော နေရာများသို့ ရုံးမှ Member များ စုပေါင်းကာ လှူဒါန်းဖြစ်သည့်အတွက်လည်း ပီတိဖြစ်မိပါတယ်။
ဒါအပြင် တစ်နှစ်တစ်ခါ Member များစုပေါင်းပြီးသွားဖြစ်သော Trip အစီအစဉ်လည်းရှိပါတယ်ခင်ဗျ။ ပြီးခဲ့သောနှစ်မှာဆိုရင် တောင်ကြီး၊ အင်းလေး၊ ကလော စသည့် ခရီးစဉ်များကို ပျော်ပျော်ရွှင်ရွှင် သွားရောက်ခဲ့ပြီး Member အချင်းချင်း ပိုမို စည်းလုံးမှုတွေလည်း ရရှိခဲ့ပါတယ်ခင်ဗျ။
ဒါကြောင့် လုပ်ငန်းခွင် ၁နှစ်အတွင်းတွင် Senior အကို၊အမများရဲ့ လမ်းပြသွန်သင်မှု၊ Member အချင်းချင်း မမျှော်လင့်သော အထောက်အပံ့ကောင်းများ များစွာရရှိစေခဲ့အတွက် လုပ်ငန်းခွင်မှာအရင်ကထက်စာရင် ကိုယ့်ကိုယ်ကို ယုံကြည်မှု ပိုမိုတိုးပွားလာပါတယ်။ အခုလိုအချိန်ပေးပြီး ဖတ်ရှုပေးခဲ့တဲ့အတွက် ကျေးဇူးတင်ပါတယ်ခင်ဗျာ။
